पिडिसिसी भिगवण शाखेमध्ये वर्धापन दिन मोठ्या उत्साहात साजरा.

भिगवण प्रतिनिधी :

पुणे जिल्हा मध्यवर्ती सहकारी बँक (Pune District Central Co-Operative Bank). ही बँक पुणे जिल्ह्यातील सहकारी संस्थांच्या आर्थिक गरजा पूर्ण करण्यासाठी ४ सप्टेंबर १९१७ मध्ये स्थापन झाली. तिच्या ग्राहकांना खाते प्रवेश, त्वरित निधी हस्तांतरण (IMPS) यांसारख्या सेवा पुरवल्या जातात. पुणे जिल्हा मध्यवर्ती सहकारी बँक ही पुणे जिल्ह्यातील एक प्रमुख राज्य सरकारची सार्वजनिक क्षेत्रातील बँक आहे.

बँकेतील महत्वाचे व्यक्ती. डॉ. दिगंबर दुर्गाडे (अध्यक्ष)  अजित पवार (कार्यकारी संचालक) दिलीप वळसे-पाटील (दिग्दर्शक) दत्तात्रय विठोबा भरणे (संचालक)

यंदाचे बँकेचे 108 वे वर्ष याच अनुषंगाने पुणे जिल्हा मध्यवर्ती सहकारी बँकेच्या भिगवण (ता.इंदापूर) शाखेमध्ये वर्धापन दिन मोठ्या उत्साहात साजरा करण्यात आला. याप्रसंगी युवा नेते श्रीराज भरणे, यांच्या हस्ते केक कापून वर्धापन दिन साजरा करण्यात आला. याप्रसंगी भरणे यांनी बँकेशी निगडित असणाऱ्या सर्व गोरगरीब शेतकऱ्यांना बँकेने सहकार्य करावे व न्याय देण्याच्या प्रयत्न करावा असे यावेळी नमूद केले.या नंतर भिगवण शाखेचे शाखा व्यवस्थापक संतोषराव आव्हाड यांनी पुष्पगुच्छ देऊन भरणे यांचा सत्कार केला. तसेच विकास अधिकारी गायकवाड यांनी मनोगत व्यक्त करून बँकेच्या सर्व सभासद यांचे आभार मानले.यावेळी आव्हाड यांनी सर्व उपस्थित निवृत्त कर्मचारी ,सभासद,बँकेचे कर्मचारी यांचा पुष्पगुच्छ देऊन सत्कार केला.

याप्रसंगी अनुष्का भरणे, व बँकेशी निगडित सर्व सहकारी सोसायटीचे चेअरमन, सचिव, बँकेचे निवृत्त अधिकारी, कर्मचारी बँकेचे सभासद सर्वजण मोठ्या संख्येने उपस्थित होते. या निमित्ताने बँकेच्या इमारतीवर विद्युत रोषणाई व सजावट करण्यात आली होती.