छत्रपती शिवाजी महाराजांच्या 395व्या जयंतीनिमित्त शिवनेरी गडावर भव्य कार्यक्रम

छत्रपती शिवाजी महाराजांच्या 395व्या जयंतीनिमित्त महाराष्ट्रात विविध स्थानांवर उत्साहाने साजरे झालेले कार्यक्रमांपैकी एक प्रमुख कार्यक्रम म्हणजे शिवनेरी गडावर झालेला शिवजन्मोत्सव. या पावन प्रसंगी मुख्यमंत्री देवेंद्र फडणवीस, उपमुख्यमंत्री एकनाथ शिंदे आणि अजित पवार यांच्यासह अनेक मंत्री आणि अधिकारी उपस्थित होते.

शिववजन्मोत्सवाचे आयोजन –

शिवनेरी गड, जो छत्रपती शिवाजी महाराजांचे जन्मस्थान आहे, तेथे या वर्षी ‘हिंदवी स्वराज्य महोत्सव’चे विशेष आयोजन करण्यात आले होते. या महोत्सवात विविध सांस्कृतिक कार्यक्रमांचा समावेश होता, ज्यामध्ये बैलगाडा शर्यत, कब्बडी स्पर्धा, शिवनेर केसरी कुस्ती स्पर्धा, फटाक्यांची भव्य आतषबाजी, गौरव माझ्या महाराष्ट्राचा संगीत रजनी कार्यक्रम, शिवाजी महाराजांच्या जीवनपटावरील शिवसह्याद्री महानाट्य आणि पारंपरिक साहसी खेळांचे सादरीकरण यांचा समावेश होता.

मुख्यमंत्री आणि उपमुख्यमंत्र्यांची उपस्थिती –

मुख्यमंत्री देवेंद्र फडणवीस यांनी शिवजन्मोत्सवाच्या प्रमुख कार्यक्रमात भाग घेतला. त्यांच्यासोबत उपमुख्यमंत्री एकनाथ शिंदे आणि अजित पवार यांनीही हजेरी लावली. यावेळी महसूल मंत्री चंद्रशेखर बावनकुळे, सांस्कृतिक मंत्री ॲड. आशिष शेलार, उच्च व तंत्रशिक्षणमंत्री चंद्रकांतदादा पाटील, वनमंत्री गणेश नाईक, पर्यटन मंत्री शंभूराज देसाई, खासदार डॉ. अमोल कोल्हे यांच्यासह जिल्हाधिकारी जितेंद्र डुडी, जिल्हा पोलिस अधीक्षक पंकज देशमुख, उपवनसंरक्षक अमोल सातपुते आदी अधिकाऱ्यांसह विविध लोकप्रतिनिधी उपस्थित होते.

सांस्कृतिक कार्यक्रम –

शिवजन्मोत्सवाच्या निमित्ताने जुन्नर शहरात पर्यटन आणि सांस्कृतिक विभागाच्या वतीने विविध सांस्कृतिक कार्यक्रमांचे आयोजन करण्यात आले होते. वैशाली सामंत यांचा संगीत रजनी कार्यक्रम, शिवाजी महाराजांच्या जीवनपटावरील शिवसह्याद्री महानाट्य यासारख्या कार्यक्रमांनी प्रेक्षकांना मोहित केले. या कार्यक्रमांना पर्यटनमंत्री शंभूराज देसाई आणि सांस्कृतिक मंत्री आशिष शेलार उपस्थित होत.

ऐतिहासिक सजावट –

शिवजयंतीच्या निमित्ताने जुन्नर शहरात प्रवेश करणाऱ्या सर्व रस्त्यांवर विशेष ऐतिहासिक प्रवेशद्वारांची उभारणी करण्यात आली होती. या सजावटीमुळे जुन्नरला ऐतिहासिक स्वरूप आले होते. शिवनेरी गडदेवता शिवाई देवीची महापूजा विभागीय आयुक्त डॉ. चंद्रकांत पुलकुंडवार यांच्या हस्ते झाली. यानंतर पालखी सोहळ्याचे आयोजन करण्यात आले होते.