जल्लोष युवा महोत्सवातील विजयी विद्यार्थ्यांचा माजी मंत्री हर्षवर्धन पाटील यांच्या हस्ते सन्मान.

इंदापूर प्रतिनिधी :

सावित्रीबाई फुले पुणे विद्यापीठ पुणे आणि विद्यार्थी कल्याण मंडळ यांच्या संयुक्त विद्यमाने दिनांक 17/09/2025 रोजी दादा पाटील महाविद्यालय कर्जत जि. अहमदनगर या ठिकाणी आंतर महाविद्यालयीन सांस्कृतिक युवक महोत्सवाचे आयोजन करण्यात आले होते या महोत्सवात कला, विज्ञान आणि वाणिज्य महाविद्यालय इंदापूर या महाविद्यालयातील विद्यार्थ्यांनी विविध कला प्रकारात सहभाग नोंदविला. यामध्ये प्रामुख्याने वादविवाद स्पर्धेत अक्षय यादव आणि सायली मखरे या विद्यार्थ्यांना प्रथम क्रमांक-सुवर्णपदक मिळाले तसेच भारतीय वैयक्तिक गायन स्पर्धेत सरदार मुलाणी या विद्यार्थ्याला तृतीय क्रमांक-कांस्य पदक प्राप्त झाले तसेच ओंकार कदम या विद्यार्थ्याला तालवाद्य या प्रकारात द्वितीय क्रमांक-रौप्य पदक मिळाले या यशाबद्दलराष्ट्रीय सहकारी साखर कारखाना महासंघाचे अध्यक्ष, माजी मंत्री व संस्थेचे अध्यक्ष हर्षवर्धन पाटील यांनी सर्व विजेत्या व सहभागी विध्यार्थ्यांचा सत्कार केला.
याप्रसंगी माजी मंत्री हर्षवर्धन पाटील यांनी विद्यार्थ्यांचे कौतुक केले तसेच पुढील काळातही आपण विविध स्पर्धेत सहभाग नोंदवून स्वतःचे व महाविद्यालयाचे नाव उज्ज्वल करावे अशी आशा व्यक्त केली. तसेच विद्यार्थ्यांच्या सर्वांगीण विकासासाठी आम्ही कटीबद्ध असल्याचे नमूद केले.
यावेळी संस्थेचे सर्व पदाधिकारी,प्राचार्य डॉ. जीवन सरवदे, कला विभाग प्रमुख डॉ.भरत भुजबळ, विज्ञान विभाग प्रमुख डॉ. शिवाजी वीर तसेच वाणिज्य विभाग प्रमुख डॉ. सदाशिव उंबरदंड यांनी विद्यार्थ्यांचे अभिनंदन केले व पुढील विभागीय फेरीसाठी शुभेच्छा दिल्या.
सांस्कृतिक विभाग प्रमुख डॉ. प्रज्ञा लामतुरे, विद्यार्थी विकास अधिकारी डॉ. तानाजी कसबे प्रा. प्रकाश करे प्रा. सचिन आरडे यांनी विद्यार्थ्यांना मार्गदर्शन केले.