पाटण तालुक्यातील वाजेगाव येथे वाजू माता देवीची यात्रा मोठ्या उत्साहात संपन्न.

प्रतिनिधी :- जीवन इंगळे

पाटण तालुक्यातील वाजेगाव येथे देवीपुढे लोटांगण घेण्याची जुनी रूढी परंपरा अजूनही अस्तित्वात आहे, व ही प्रथा आजही मोठ्या आनंदाने चालू असते, फेब्रुवारी महिन्यामध्ये वाजुमता देवीची यात्रा संपन्न होत असते, ही नवसाला पावणारी देवी अशी पंचक्रोशीमध्ये देवीचा महिमा आहे.

वाजू माता देवीची पालखी मिरवणुकीला दुपारी चार वाजता सुरुवात झाली व सात वाजता समारोप झाला यावेळी वाजेगाव व शिरसवडी मधील भक्तांनी मोठ्या प्रमाणात दर्शनासाठी तसेच नवस फेडण्यासाठी मोठ्या प्रमाणात मंदिर परिसरात गर्दी केली होती,
यात्रेमध्ये विविध प्रकारचे पाळणे दुकाने व मनोरंजन कार्यक्रमाचे आयोजन करण्यात आले होते.
देवीची पालखी सोहळ्यात गुलाल खोबऱ्याची उधळण करून फटाके डीजे च्या आतिश बाजेत पालखीला सुरुवात झाली यामुळे मिरवणुकीला शानदार स्वरूप प्राप्त झाले, भक्तामध्ये उत्साहाचे आनंदाचे भक्तिमय वातावरण पाहायला मिळाले, वाजू माता देवी ही नवसाला पावणारी देवी असल्यामुळे परिसरातून भक्त दर्शनासाठी मोठ्या प्रमाणात येत असतात.
वाजेगाव या गावाला कोयना नदी लाभली आहे त्यामुळे हे गाव देवीच्या कृपेने पूर्ण संपन्न आहे, रात्री आठ वाजता महाप्रसादाला सुरुवात झाली पुरणपोळीचा महाप्रसाद मोठ्या प्रमाणात संपन्न झाला
खास करून या यात्रेमध्ये शिरसवडी व वाजेगाव मधील तरुण मंडळांनी यात्रा उस्तव निर्विघ्न पार पडावायासाठी महत्वाचे कार्य केले.