मुंबई : आज कळेल ‘बिग बॉस 17’ शीची ट्रॉफी कोण घरी घेऊन जाणार. चाहत्यांमध्ये आता ‘बिग बॉस 17’ शोच्या शेवटच्या क्षणाची उत्सुकता शिगेला पोहोचली आहे. ‘बिग बॉस 17’ मध्ये अभिनेत्री अंकिता लोखंडे आणि विकी जैन एकत्र आले होते. पण विकी शोमधून बाहेर गेला आहे, तर अंकिता टॉप 5 मध्ये पोहोचली आहे. ‘बिग बॉस 17’ मुळे अंकिता लोखंडे हिच्या सासू रंजना जैन यांच्या लोकप्रियतेत देखील मोठी वाढ झाली. नुकताच, अंकिता लोखंडे हिच्या सासूबाई रंजना आणि आई वंदना लोखंडे यांना ‘बिग बॉस 17’ च्या सेट बाहेर स्पॉट करण्यात आलं.
शनिवारी ‘बिग बॉस 17’ शोच्या फिनालेचं शुटिंग पूर्ण करण्यात आलं. ‘बिग बॉस 17′ शोच्या टॉप 5 मध्ये अंकिता देखील असल्यामुळे अभिनेत्रीच्या सासूला ”बिग बॉस 17′ ची ट्रॉफी अंकिता जिंकेल का?’ असा प्रश्न विचारण्यात आला… यावर अंकिताच्या सासूबाई म्हणाल्या, ‘जिंकेल… ट्रॉफी घरी घेवून येईल…’ सध्या सर्वत्र फक्त आणि फक्त अंकिता लोखंडे आणि तिच्या सासूबाईंच्या वक्तव्याची चर्चा रंगली आहे.
सांगयचं झालं तर, 28 जानेवारी रोजी संध्याकाळी ‘बिग बॉस 17’ शोचा ग्रॅन्ड फिनाले आहे. शोमध्ये आता पाच स्पर्धक आहेत. या शर्यतीत कोण बाजी मारणार हे पाहणं महत्त्वाचं ठरणार आहे. ‘बिग बॉस 17’ चा विजेता कोण होणार हे चाहते ठरवणार आहेत. अंकिता लोखंडे, मुनव्वर फारुकी, मन्नारा चोप्रा, अरुण माशेट्टी आणि अभिषेक कुमार यांच्यात कांटे की टक्कर पाहायला मिळत आहे.
चाहत्यांमध्ये रंगत असलेल्या चर्चांनुसार, मुनव्वर फारुकी, मन्नारा चोप्रा आणि अभिषेक कुमार यांची नावे टॉप 3 मध्ये येणार असल्याची दाट शक्यता वर्तवण्यात येत आहे. त्यामुळे तिघांपैकी एक ‘बिग बॉस 17’ चा विजेता ठरु शकतो… अशी चर्चा रंगत आहे.
कधी आहे ‘बिग बॉस 17’ ग्रॅन्ड फिनाले?
‘बिग बॉस 17’ ग्रॅन्ड फिनाले रविवारी संध्याकाळी 6 वाजता सुरु होणार आहे. रात्री 12 वाजे पर्यंत कार्यक्रम रंगणार आहे. रात्री 12 नंतर सलमान खान ‘बिग बॉस 17’ विजेत्याची घोषणा केली.
